Category Archives: malayalam

തപസ്സുകാലം – അഞ്ചാം ഞായര്‍.

1997 -ല്‍ മൂന്ന് ഓസ്കാര്‍ അവാര്‍ഡുകള്‍ നേടിയ ചിത്രമായിരുന്നു റോബര്‍ട്ടോ ബെനീനി (Roberto Benigni) സംവിധാനംചെയ്ത് അഭിനയിച്ച “ലൈഫ്‌ ഈസ്‌ ബ്യൂട്ടിഫുള്‍ ” എന്ന ചിത്രം. (മലയാളം സിനിമയല്ല…) ആദ്യപകുതിയില്‍ ധാരാളം ചിരിക്കാനും രണ്ടാംപകുതിയില്‍ ചിന്തിക്കാനും വകനല്‍കുന്ന ചിത്രം കൊണ്സേന്ട്രേഷന്‍ ക്യാമ്പില്‍ വന്നുപെടുന്ന ഒരു പിതാവിന്റെയും മകന്റെയും കഥ പറയുന്നു. മകനെ ആ ക്യാമ്പിന്റെ ക്രൂരതകള്‍ അറിയിക്കാതിരിക്കാന്‍ ആ പിതാവുപെടുന്ന ബുദ്ധിമുട്ടുകള്‍ നാം അവിടെ കാണുന്നു.

ഇന്നത്തെ സുവിശേഷത്തില്‍ ക്രിസ്തുവും ഏതാണ്ട് ഇതേ “റോള്‍ ” ആണ് കൈകാര്യം ചെയ്യുന്നത്. ലാസറിനെ ഉയര്‍പ്പിക്കാന്‍ ജറൂസലേമിലേയ്ക്ക് പോകുന്ന ക്രിസ്തു തന്നെ അഭിമുഖീകരിക്കുവാനിരിക്കുന്ന പ്രശ്നങ്ങള്‍ അറിയുന്നു.
എങ്കിലും അവയില്‍നിന്നും ഒളിച്ചോട്ടം നടത്തുന്നുമില്ല.
അത്ഭുതപ്രവര്‍ത്തനത്തെക്കാള്‍ ക്രിസ്തുവിന്റെ ശ്രദ്ധ ദൈവപിതാവിനു മഹത്വംനല്‍കുക എന്നതായിരുന്നു. ദൈവഹിതം നിറവേറ്റുകയായിരുന്നു …

“നമ്മുടെ സുഹൃത്ത് ലാസര്‍ ഉറങ്ങുകയാണ്…നമുക്ക് അവനെ ഉണര്‍ത്താം ” എന്ന വാക്കുകള്‍ അര്‍ത്ഥപൂര്‍ണ്ണങ്ങളാണ്…
ഉറങ്ങുന്ന ഏതൊരു സുഹൃത്തും തന്റെ ഉറ്റ സ്നേഹിതന്റെ ആഗമനമറിയുമ്പോള്‍ അവനെ സ്വീകരിക്കാന്‍ എഴുന്നേല്‍ക്കുന്നപോലെ , ക്രിസ്തുവിന്റെ ആഗമനത്തില്‍ ലാസറും (മറ്റ് മൃതരും)
ഉയിര്‍ക്കുമെന്നു അര്‍ത്ഥം…

ക്രിസ്തുവിന്റെ സ്വരം ( സുവിശേഷം ) നമുക്ക്‌ ജീവന്‍ നല്‍കുന്നതാണോ?
അവന്റെ സാന്നിധ്യം (കൂദാശയിലൂടെയും , മറ്റ് മനുഷ്യരിലൂടെയും ) നാം അറിയുന്നോ?
സൗഹൃദങ്ങള്‍ക്ക്, ബന്ധങ്ങള്‍ക്ക് നാം എത്രമാത്രം പ്രാധാന്യം നല്‍കുന്നു…
ക്രിസ്തുവിനെപ്പോലെ, “സ്നേഹിതനുവേണ്ടി ജീവന്‍ ബലിയര്‍പ്പിക്കാനും ”
നമുക്ക് സാധ്യമോ?

നമ്മുടെ സദ്പ്രവര്ത്തികള്‍ അപരന് നന്മയും ജീവനും ആകുന്നുണ്ടോ?
തപസ്സുകാലത്തിലെ ഈ അഞ്ചാം ഞായര്‍ നമ്മെ
കൂടുതലായി മനുഷ്യരിലെയ്ക്ക് അടുപ്പിക്കട്ടെ…
ദൈവത്തിലേയ്കും…
ദൈവം നമ്മെ അനുഗ്രഹിക്കട്ടെ. ആമ്മേന്‍ !

– തോമസ്‌ കളത്തില്‍

WordPressFacebookBlogger PostDeliciousDiggEmailOrkutShare